Roma Papası Fransisk Rusiya prezidenti Vladimir Putini Ukraynada müharibəyə başlamasına görə tənqid edib.

Maltadakı şənbə çıxışında o, Rusiya liderinin adını çəkməsə də, istinad aydın idi:

“Avropanın şərqindən, günəşin doğduğu ölkədən indi müharibənin qaranlıq kölgələri yayılıb. Biz düşünürdük ki, başqa ölkələrin işğalları, şiddətli küçə döyüşləri və nüvə hədələri yalnız uzaq keçmişin qaranlıq xatirələridir. Lakin yalnız ölüm, dağıntı və nifrət gətirən buzlu müharibə küləkləri bir çox insana güclü zərbə vurdu və indi hamımıza təsir etməkdədir”.

Papa təəssüf hissilə bildirib ki, millətçi maraqlar haqqında anaxronist fikirlərə əsir olan bəzi ağalar münaqişələri qızışdırır.

Silah sənayesini tənqid edən Fransisk İkinci Dünya Müharibəsindən sonra ortaya çıxan sülhə olan həvəsin azalmasından narahatlığını diqqətə çatdırıb.