1997-ci ildə Parisdə avtomobil qəzasında dünyasını dəyişən Uels şahzadəsi Diana ölümünün 25-ci ildönümündə anılır.

Həyatı ilə kral ailəsinin ən diqqət çəkən üzvü olan şahzadə Diana hələ də "dünyanın ən çox şəklini çəkən qadını" adlandırılır.

Diana Frensis Spenser 1 iyul 1961-ci ildə İngiltərənin Norfolk şəhərində Sandrinqem yaxınlığında anadan olub.İngiltərədə zadəgan ailəsində anadan olan o, Vikont Altorpun kiçik qızı idi.



Valideynləri 1969-cu ildə boşandıqdan sonra o, Nortemptonşir və Şotlandiyadakı valideynlərinin evləri arasında tez-tez səyahət etməli olub.



Diana əvvəlcə kollecdə oxuyub. Sonra 1974-cü ildən Kent rayonundakı internat məktəbində təhsilini davam etdirib. Məktəbdən sonra Londonda dayə işləyib. Daha sonra o, uşaq bağçasında köməkçi kimi işinə davam edib.



Bir müddət sonra onun Uels şahzadəsi ilə dostluğu ortaya çıxır. Bu andan etibarən mətbuat və televiziya onu əhatəyə almağa, hər addımını izləməyə başlayır. 24 fevral 1981-ci ildə Şahzadə Çarlz və xanım Diana Spenser Bukingem sarayında nişanlandıqlarını rəsmən elan edirlər.



"Əsrin toyu" adlandırılan mərasimdə Diana və Şahzadə Çarlz 29 iyul 1981-ci ildə Sankt-Peterburqda evləniblər. Mərasim televiziya vasitəsilə yayımlanıb və bütün dünyada milyonlarla insan tərəfindən izlənilib. Bukingem sarayından kafedrala qədər təxminən 600.000 insan həmin anların şahidi olmaq üçün toplaşıb.



Diana həmişə böyük bir ailə arzusunda olub. Evliliklərinin ilk ilində, 21 iyun 1982-ci ildə oğulları Şahzadə Uilyam dünyaya gəlib. O, övladlarının kral adətinin icazə verdiyi kimi “normal” böyüməsini istəyirdi.



15 sentyabr 1984-cü ildə isə Şahzadə Harri dünyaya gəlib. O, oğullarının özəl müəllimlər tərəfindən təhsil almasına qarşı çıxıb və başqa uşaqlarla birlikdə məktəbə getmələrini tələb edib.



Diana uşaqlarının inkişafı ilə çox məşğul olan ana olub. ABŞ-a ilk rəsmi səfərində Şahzadə Ağ Evdə Con Travolta ilə rəqs edib. Bundan sonra Diananın şöhrəti getdikcə artıb.



Bununla yanaşı, o, geyimi ilə də hər kəsin diqqətini çəkib. Diananın geyimləri hər zaman diqqət mərkəzində olub. Onun xeyriyyə təşkilatlarına olan marağı və dəstəyi də getdikcə daha çox nəzərə çarpırdı. O, QİÇS xəstələrinin ağır vəziyyətini əks etdirməkdə mühüm rol oynayıb.



1980-ci illərin sonundan etibarən Diana və Şahzadə Çarlzın münasibətləri korlanıb. 1992-ci ildə rəsmi səfəri zamanı Diana Tac Mahalın qarşısında təkbaşına pozalar verməsi onların ayrılıq xəbərlərinin ilk carçısı olub.



Ömrü boyu o, Tereza ana ilə sıx əlaqədə olub. Xeyriyyəçilik fəaliyyəti ilə tanınan Tereza Ana 1979-cu ildə Nobel Sülh Mükafatına layiq görülüb. Xeyriyyəçi rahibə Diananın ölümündən 6 gün sonra vəfat edib.



İllər ayrı olduqdan sonra Diana və Çarlz 28 avqust 1996-cı ildə rəsmi olaraq boşandılar. Ayrılıqdan sonra Diananın tədbirlərin birindı geyindiyi paltar "İntiqam geyimi" adıyla tarixə düşüb. Növbəti ilin iyun ayında o, paltarı hərraca çıxarıb və xeyriyyə təşkilatları üçün 4,5 milyon dollar toplayıb.



Şahzadə 1997-ci ildə piyada əleyhinə minaları qadağan etməyə çağırıb. Fəallar Diananın kampaniyada iştirakının "məlumat nöqtəsi" olduğunu bildiriblər.



Diana və Dodi əl-Fayed 1997-ci il avqustun 31-də avtomobil qəzasında həlak olublar. Onların olduqları "Mersedes" markalı maşın Parisdə tunelin içərisindəki dayaqlardan birinə çırpılıb. Polis belə qənaətə gəlib ki, qəza sürücünün sürəti artırması səbəbindən baş verib. Bundan başqa, analizlər onun hadisədən bir az əvvəl alkoqol və narkotik qəbul etdiyini göstərib.

Vestminster abbatlığında keçirilən dəfn mərasimində bir milyondan çox insan iştirak edib. Spenser son səyahətini "Northamptonshire"dəki ailəsinin evinə edib. (Unikal.org)