Çində son sutkada koronavirusa 25 165 yeni yoluxma aşkarlanıb.

Bu barədə Çin Dövlət Səhiyyə Komitəsi məlumat yayıb.

Bildirilib ki, bu, pandemiya dövrünün rekord göstəricisidir. Yoluxma sayı ötən həftə ilə müqayisədə 4 dəfə çoxdur. Onların əksəriyyəti simptomsuz xəstələrdir.

Qeyd edək ki, Şanxay şəhərində ciddi karantin tədbirləri tətbiq edilib və virusun yayılmasının qarşısını almaq üçün ölkənin digər bölgələrindən əlavə tibb işçiləri, o cümlədən hərbi tibb mütəxəssisləri göndərilib.