Amerikalı milyarder və sahibkar İlon Mask 400 milyard dollarlıq sərvəti ilə dünyanın ən zəngin insanı olub.

Bu barədə “Bloomberg” məlumat yayıb.

Milyarderlər indeksinə əsasən, yeni rekord Maskın özəl şirkəti “SpaceX”in səhmlərinin satışı ilə əldə edilib və bu, onun sərvətini 50 milyard dollar artıraraq 439,2 milyard dollara çatdırıb.

Qeyd edilir ki, onun sərvəti 2022-ci ilin sonunda əhəmiyyətli dərəcədə azalıb.

Agentliyə görə, Maskın süni intellektli startap xAI-nın dəyəri ABŞ-də prezident seçkilərindən sonra iki dəfə artaraq 50 milyard dollara çatıb. Sahibkar ona Ağ Evə birbaşa giriş imkanı verəcək ABŞ Hökumət Aparatının həmsədri kimi Tramp administrasiyasında əsas rol oynayacaq.

Xatırladaq ki, “SpaceX” bu həftə işçilərin və digər insayderlərin səhmlərini geri almaq üçün 1,25 milyard dollarlıq müqaviləni tamamlayıb və şirkətin dəyərini 350 milyard dollara qaldırıb.