Bakının Nəsimi rayonun 4-cü mikrorayinda yaşayış binasında partlayış baş verib.

Pressklub.az-ın əldə etdiyi məlumata görə, partlayış çoxmərtəbəli binanın sonuncu mərtəbəsində baş verib. İlkin ehtimala görə, hadisəyə qaz sızması səbəb olub.

Partlayış zamanı zərbənin gücündən 18-ci mərtəbədə yaşayan şəxsin pəncərədən yerə düşərək öldüyü bildirilir.

Hazırda hadisə yerinə hüquq-mühafizə orqanlarının, Fövqəladə Hallar Nazirliyinin və təcili yardımın əməkdaşları cəlb edilib.

Təfərrüatları dəqiqləşdirməyə çalışırıq.