Ötən gün Bakıda motosikletçiyə qarşı xuliqanlıq edən Sultan Dadaşov saxlanılıb.

Onun barəsində inzibati protokol tərtib edilib və baxılması üçün Yasamal Rayon Məhkəməsinə göndərilib.

Məhkəmənin qərarı ilə Sultan Dadaşov inzibati qaydada 25 sutka müddətinə həbs edilib.

Xatırladaq ki, dünən Bakı şəhərində motosikletçi və Sultan Dadaşov arasında insident yaşanıb. Sultan Dadaşov motosikletçinin ona yol verməməsi bəhanəsi ilə bahalı avtomobilindən düşərək onu təhqir edib və döyüb.

Bəzi məlumatlara görə, Sultan Dadaşov əvvəllər Prezident Sarayının təminat şöbəsinin müdiri olub. O, 2022-ci ilin əvvəlində vəzifəsindən azad olunaraq Prezidentin İşlər İdarəsində inzibati xarakterli sıravi işə keçirilib.