Noyabrın 25-i axşamdan başlayaraq, Bakıda və Abşeron yarımadasında arabir leysan xarakterli yağış yağacağı gözlənilir. Noyabrın 26-sı gündüz yağıntıda fasilə olacaq, axşamdan yağış yenidən başlayacaq, leysan xarakterli intensiv olacaq və noyabrın 27-si gündüzədək davam edəcək. 

Milli Hidrometeorologiya Xidmətindən verilən məlumata görə, Azərbaycanın rayonlarında hazırda müşahidə olunan yağıntılı hava şəraitinin noyabrın 27-si gündüzədək fasilələrlə davam edəcəyi, yağıntıların ayrı-ayrı yerlərdə leysan xarakterli intensiv olacağı, şimşək çaxacağı, dağlıq və dağətəyi rayonlarda qar yağacağı gözlənilir.

Çaylarda sululuğun artacağı, bəzi dağ çaylarından, xüsusilə də Lənkəran-Astara bölgəsinin bəzi çaylarından qısamüddətli daşqın və sel keçəcəyi ehtimal olunur.