Cümə axşamı Azərbaycan prezidentinin köməkçisi Hikmət Hacıyev Bakının Ermənistan-Azərbaycan sərhədində Avropa İttifaqının müşahidəçi missiyasının fəaliyyətinin dayandırılması zərurəti haqqında tələbini təkrar edib. 

Missiyanın işi əvvəlcə Bakı ilə müvəqqəti olaraq razılaşdırılıb. Lakin sonradan onun fəaliyyəti daimi olub. Eyni zamanda, missiyanın tərkibi və mandatı "genişləndirilir", deyə o, jurnalistlərlə söhbətində bildirib.

"Aİ missiyası regionda sülhün bərqərar olmasına töhfə vermir. Bu, Ermənistan və Azərbaycandan asılıdır. Üçüncü tərəfin iştirakı yalnız gərginliyi artırır. Bundan başqa, ayrı-ayrı Avropa dövlətləri Aİ missiyası adı altında Ermənistanda öz maraqlarına xidmət edir", deyə Hikmət Hacıyev bildirib.