Bundan əlavə, tədqiqatlar göstərir ki, müharibədən çıxmış ölkələrdə uzun müddət müharibənin doğurduğu psixoz vəziyyətinin qalıqları qalır. Kiçikdən böyüyə hər kəsi dərindən sarsıdan, kədərləndirən, həyəcanlandıran, qorxudan müharibənin izləri insan psixologiyasında uzun müddət, hətta ömürlük izlər, travmalar buraxır. Müharibədə iştirak edən hərbçilərlə yanaşı, onları gözləyən ailə üzvləri də şiddətli dərəcədə psixoloji sarsıntıya məruz qalır. 

Amma cəmiyyətdəki hədsiz aqressiyanın tək səbəbi də müharibə deyil. Hər kəsin özünə görə problemləri, maddi-mənəvi sıxıntıları var. Hətta bəziləri deyir ki, cəmiyyətdəki aqressiyanın bu dərəcədə çoxalmasında media da rol oynayır. Belələri hesab edir ki, insanlar oxuduğu xəbərlərdə...