“Vaxt itirmək olmaz”.

UNIAN xəbər verir ki, bunu Ukrayna Prezidenti Volodimir Zelenski Ukraynanın Müdafiəsi üzrə Təmas Qrupunun iclasında deyib.

Ukrayna Prezidenti, vaxtı “Rusiyanın silahı” adlandıraraq, Qərb tərəfdaşlarını daha sürətli hərəkət etməyə səsləyib.

O bildirib ki, Rusiya qoşunları yenidən qruplaşırlar: “Ona görə cəld davranmaq lazımdır”.

Dövlət başçısı müttəfiqlərdən F-16 qırıcıları, uzaqmənzilli raketlər və tanklar istəyib.

Zelenski həmçinin, dəstəyə görə müttəfiqlərə təşəkkür edib: "Göndərilən yardım Ukraynanı Rusiya terrorundan xilas edir: Lakin vaxt mühüm məsələdir. Odur ki, bizim çox az vaxtımız var. Yardım daha da sürətlənməlidir. Rusiya ümumbəşəri dəyərləri məhv etmək istəyir. Müdafiə üçün Ukraynaya yüzlərlə tank lazımdır. Zaman müttəfiqlərin ümumi silahına çevrilməlidir".