Rəsmi Vaşinqton yaxın günlərdə Ukraynaya yeni hərbi yardım paketi ayıracaq.

Bunu ABŞ-ın BMT-dəki daimi nümayəndəsi Linda Tomas-Qrinfild dünya təşkilatının Təhlükəsizlik Şurasının Ukraynaya həsr olunmuş iclasında bildirib.

“Biz Ukraynaya dəstəyimizi artıracağıq və yaxın günlərdə hərbi yardımın yeni partiyasını elan edəcəyik”, - deyə o bildirib.

Onun sözlərinə görə, növbəti hərbi yardım paketinə hava hücumundan müdafiə vasitələri və zirehli texnikalar daxil olacaq.