Ukrayna Prezidenti Volodimir Zelenskinin Türkiyədə Rusiya Prezidenti Vladimir Putinlə nəzəri görüşdə iştirak etmək niyyəti yoxdur.

Bu barədə ölkə başçısı Rusiyanın Ukraynaya hərbi təcavüzünün birinci ildönümünə həsr olunmuş “Fevral. Sarsılmazlığın birilliyi” adlı mətbuat konfransında bildirib.

“Biz bu haqda hələ müharibədən əvvəl danışmışdıq, mən Türkiyə Prezidenti Rəcəb Tayyib Ərdoğana demişdim ki, Putini danışıqlar masası arxasına qoyun, genişmiqyaslı müharibə riskinə yol vermək olmaz. O zaman o bunu edə bilmədi. İndi o, bacaracağını düşünür. İndi isə biz bacarmırıq... Putin artıq həmin adam deyil, danışmağa adam yoxdur”.

Ukrayna lideri əlavə edib ki, o, xüsusilə də taxıl təşəbbüslərinə və “Azovstal” müdafiəçilərinə dəstək verdiyinə görə Türkiyə Prezidentinə minnətdardır. O, danışıqlarla bağlı mövqeyinin Ərdoğana çatdırıldığını da vurğulayıb.

Qeyd edək ki, Rusiyanın Ukraynaya genişmiqyaslı hücumunun ilk günlərindən Türkiyə savaşa son qoymaq üçün özünü vasitəçi kimi təklif edib.