"UnionPay sanksiyalara məruz qalan banklarla əməkdaşlığı dayandırır. Bu o deməkdir ki, Sberbank, Alfa-Bank və bir çox digər banklar "Mir” - UnionPay-ın ödəniş sisteminin ümumi kartını buraxa bilməyəcəklər", - mesajda deyilir.

Xatıaladaq ki, fevralın 28-də Ukrayna Maliyyə Nazirliyi Mastercard, Visa və American Express beynəlxalq ödəniş sistemlərinə Rusiya Federasiyasının Ukraynaya genişmiqyaslı müdaxiləsi ilə əlaqədar Rusiya Federasiyası və Belarusun bütün banklarına xidmətin dayandırılması xahişi ilə müraciət edib.

Martın 1-dən Mastercard və Visa Rusiya bankları üçün ödəniş sistemlərinə girişi bloklamağa başlayıb. Rusiyada onun ardınca Apple Pay ödəniş sistemi də fəaliyyətini dayandırıb.

Martın 17-də Ukrayna Milli Bankı Çinin China UnionPay və UnionPay International ödəniş sistemlərinə Rusiya ödəniş bazarından çıxmaq çağırışı ilə müraciət edib. Xüsusilə, NBU həm Rusiya Federasiyası ərazisində, həm də Rusiya Federasiyasından kənarda Rusiya Federasiyasından olan banklar tərəfindən verilmiş China UnionPay və UnionPay International ödəniş kartları ilə bütün əməliyyatlara xidmət göstərməyi dayandırmağa çağırıb.

13 aprel 2022-ci il tarixində xarici onlayn mağazalar Çin ödəniş sistemindən UnionPay kart ödənişlərini bloklamağa başlayıb.