Bütün dünyanı nüvə silahı ilə hədələyən Moskva sözdən işə keçməyə başlayıb. Artıq Rusiyanın Şimal Donanmasının gəmiləri dənizə göyərtəsində taktiki nüvə silahları ilə çıxmağa başlayıblar.

Pressklub.az Norveç Kəşfiyyat Xidmətinin (NKX) illik hesabatına istinadla xəbər verir ki, bu, son 30 ildə ilk belə haldır.

Sənədə əsasən, sovet dövründə Şimal Donanmasının döyüş gəmiləri müntəzəm olaraq taktiki nüvə silahları ilə dənizə çıxırdılar, lakin soyuq müharibədən bəri belə hallar aşkarlanmamışdı. Kəşfiyyat məlumatlarına görə, Rusiyanın Ukraynaya hərbi təcavüzündən sonra Rusiya üçün “nüvə silahının əhəmiyyəti xeyli dərəcədə artıb”.

“Nüvə potensialının mərkəzi hissəsi Şimal Donanmasının sualtı qayıqlarında və yerüstü gəmilərdə yerləşir”, - hesabatda qeyd olunub.

Kəşfiyyat məlumatlarına görə, bu silahlar NATO ölkələrinin iştirak edə biləcəyi “əməliyyat variantlarında xüsusilə ciddi təhlükə yaradır”.