“Əl-Nəsr” PSJ-nin müdafiəçisi Serxio Ramosu transfer etmək istəyir.

Pressklub.az “Marca”ya istinadən xəbər verir ki, Səudiyyə Ərəbistanından olan klubun rəhbərliyi futbolçunun çevrəsi ilə əlaqə saxlayıb və onunla müqavilə bağlamaq istədiklərini bildirib.

“Real Madrid” və İspaniya millisinin sabiq kapitanı PSJ-də özünü rahat hiss etsə də, parislilərin bu yay başa çatan müqaviləsini uzadıb-uzatmayacağını bilmir.

Xatırladaq ki, ulduz futbolçu Kriştianu Ronaldonun formasını geyindiyi “Əl-Nəsr”in daha öncə “Real Madrid”in yarımmüdafiəçisi Luka Modriçi transfer etmək istədiyi, lakin bundan imtina etdiyi bildirilirdi.