Portuqaliya Ukraynaya zirehli transportyorlar, döyüş sursatları, elektrik generatorları və tibbi avadanlıqlar verməyə, habelə Ukrayna hərbçilərinə Avropada təlimi üçün öz hərbi personalını ayırmağa hazırdır.

Bu barədə ölkənin Milli Müdafiə Nazirliyi məlumat yayıb.

Qeyd olunub ki, Portuqaliya Ukraynaya 14 ədəd M113 zirehli transportyor, elektrik enerjisi istehsalı üçün səkkiz yüksək güclü generator, həmçinin 120 mm-lik mərmi və iki ton tibbi avadanlıq göndərəcək.

Lissabon həmçinin döyüşlər zamanı yaralanan 40-a qədər ukraynalı əsgəri öz xəstəxanalarına tibbi yardım üçün qəbul etməyə hazır olduğunu təsdiqləyib.