Ermənistanın baş naziri Nikol Paşinyanın həyat yoldaşı Anna Akopyan İranın birinci xanımı Cəmilə Sədat Alamolhoda və qızı Reyhanə Rəisinin müşayiəti ilə İranın Qum şəhərində şiələr üçün müqəddəs sayılan ruhani mərkəzə səfər edib.

Qeyd olunur ki, Anna Akopyan Fatimə Məsumənin məqbərəsini və məscidi ziyarət edib.

Bundan sonra Anna Akopyan İslam Respublikasının birinci xanımı ilə söhbət edib. Cəmilə Sədat Alamolhoda Akopyandan məqbərəni ziyarəti ilə bağlı təəssüratlarını soruşub. Onlar bu gün Tehranda işinə başlayan nüfuzlu qadınların I Beynəlxalq Konqresinin məsələlərini də müzakirə ediblər.