Başqa planetlərdə bioloji aktivliyin axtarışı üçün cihaz yaradılıb. Bu mühüm nailiyyəti ABŞ-ın Merilend Universitetinin alimləri əldə ediblər.

Pressklub.az xarici KİV-ə istinadən xəbər verir ki, 8 kq çəkisi olan cihazda yaşam əlamətlərini aşkar etmək və materialların tərkibini təyin etmək üçün iki vacib alət - nümunədən az miqdarda materialı götürən impulslu ultrabənövşəyi lazer və kimyəvi tərkibi müəyyən etmək üçün buraxılan şüaların spektrini təhlil edən analizator var.

Yeni cihaz daha böyük sələfləri ilə eyni üstünlüklərə malikdir və kosmik tədqiqatlar, planet materiallarının yerində təhlili üçün optimallaşdırılıb.