Xəbər verdiyimiz kimi, dünən Gəncə şəhərində gənc müğənni və rəqqasənin meyiti tapılıb. Belə ki, müğənni Turxan Əliyev və rəqqasə Aytən Abdullayevanın cansız bədəni şəhərdəki evlərdən birində tapılıb.

Pressklub.az xəbər verir ki, Turxan Əliyev və Aytən Abdullayevanın ölümü ilə bağlı bəzi məqamlar üzə çıxıb.

İlkin araşdırmalara görə, 1989-cu il təvəllüdlü T. Əliyev və 2000-ci il təvəllüdlü A. Abdullayeva dəm qazından zəhərləniblər.

O da məlum olub ki, hər iki şəxs fevralın 18-də Gəncə şəhər sakini Y.Rzayevaya məxsus evə qonaq gediblər. Onlardan xəbər ala bilməyən yaxınları polisə müraciət ediblər. Fevralın 19-da günorta saatlarında isə hər iki şəxsin qonaq getdikləri evdə həyatını itirdikləri məlum olub.

Hadisə ilə bağlı Gəncə Şəhər Prokurorluğunda araşdırma aparılır.