ABŞ prezidenti Co Bayden Ukraynaya səfər edib.

Pressklub.az UNİAN-a istinadla xəbər verir ki, ilk olaraq bu barədə Bild jurnalisti Julian Repke Tvitter hesabında yazıb: "Bayden Kiyevdədir. 360 gün əvvəl Rusiyanın nəzarəti altına keçməli olan şəhərdə. Diktator Putin üçün nə qədər güclü mesaj", -

Daha sonra rusiyalı hüquq müdafiəçisi və hüquqşünas Mark Feyqin də məlumatı təsdiq edib.

“Bayden Kiyevdədir”, - o yazıb.

Həmçinin daha sonra Kiyevdə Mixaylovskaya meydanında ABŞ prezidenti Co Baydenin ilk kadrları peyda olub. Arxa planda hava hücumu xəbərdarlığı eşidilib.

Son olaraq isə Ukrayna Prezidenti Volodimir Zelenski Tvitter hesabında məlumatı təsdiq edib: "Cozef Baydeni Kiyevdə qarşılayıram. Bu səfər bütün ukraynalılar üçün böyük əhəmiyyət daşıyır".

Agentliklər məlumat verir ki, ABŞ Prezidenti Cozef Bayden və Ukrayna Prezidenti Volodimir Zelenski arasında Kiyevin Mixaylovski kilsəsində görüş keçirilib.

V.Zelenski amerikalı həmkarını Mixaylovsk meydanında qarşılayıb.

ABŞ lideri həyəcan siqnalı altında müharibədə həlak olan Ukrayna müdafiəçilərinin xatirəsini yad edib.