Bakıdakı mənzillərdən birindən xüsui böyük məbləğdə oğurluq edilib. Belə ki, mənzildən təxminən 90 min manat aparılıb.

Daxili İşlər Nazirliyindən Pressklub.az-a verilən məlumata görə, Bakıda mənzildən 86,5 min manat pul, 1 500 manatlıq üzük və 3 min manatlıq telefon oğurlanıb.

Nərimanov Rayon Polis İdarəsinin 16-cı Polis Bölməsinin əməkdaşları tərəfindən müvafiq araşdırma aparılıb və mənzildən 86.500 manat pul, 1500 manat dəyərində qızıl üzük və 3000 manat dəyərində mobil telefonun qeyri-aşkar şəraitdə oğurlanması məlum olub.

Polis əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Sahib Xudaverdiyev müəyyən olunaraq saxlanılıb.

Faktla bağlı araşdırma aparılır.