ABŞ-ın dövlət katibi Entoni Blinken Azərbaycanla Ermənistan hökumətləri arasında birbaşa dialoqun bərpa olunmasını alqışlayıb.

Bu barədə ABŞ Dövlət Departamenti məlumat verir.

Qeyd olunub ki, E.Blinken İsveçdə ATƏT üzv ölkələrinin XİN rəhbərlərinin görüşü çərçivəsində Rusiyanın xarici işlər naziri Sergey Lavrovla görüşüb.

"Görüş zamanı onlar ikitərəfli münasibətlərlə bağlı məsələlərin koordinasiyasının davam etdirilməsinin vacibliyini vurğulayıb. Tərəflər, həmçinin Qafqazdakı vəziyyəti müzakirə edib. Blinken Azərbaycanla Ermənistan hökumətləri arasında birbaşa dialoqun bərpa olunmasını alqışlayıb", - Dövlət Departamentinin məlumatında deyilir.