Türkiyədən hər gün yeni bir insan faciəsi, yeni bir insan dramı barədə xəbərlər gəlir. Dağıntılar altında susuzluqdan ölməməsi üçün körpə oğlunu tüpürcəklə saxlayan, balası öləndən sonra üç gün onun meyiti ilə qucaqlaşıb uzanan ata, beton layı altında can verən qızının əllərindən tutub, son anadək onunla olan başqa ata, zəlzələ nəticəsində 4 oğlu, həyat yoldaşı, ata və anası, qardşlarını itirən kişi...

Daha bir dəhşətli faciə Hatayın Antakya rayonunun Dəmirköprü ərazisində yaşanıb. Orada yaşayan 73 yaşlı Ramazan Köksal zəlzələ nəticəsində ailəsinin 21 üzvünü itirib.

Pressklub.az Türkiyə mediasına istinadən xəbər verir ki, Köksalın 26 yaşlı əkiz qızları və kürəkənləri də vəfat edib:

"Ailəmizdən qardaşlarımın uşaqları da daxil olmaqla 21 nəfər öldü. 30 nəvəmdən 11-i vəfat etdi. Əkiz qızlarım və onların əkiz övladları da dünyasını dəyişdi".