Moskvada böyük bir ticarət mərkəzində yanğın baş verib.

Bu haqda TASS fövqəladə hallar xidmətlərinə istinadən məlumat yayıb.

Yanğın Bolşaya Çeremuşkinskaya küçəsində yerləşən “RIO Sevastopolski” ticarət mərkəzinin havalandırma şaxtasında başlayıb. Binadan 1500 nəfər təxliyə edilib.

Daha sonra yanğının söndürüldüyü bildirilib. Hadisə nəticəsində xəsarət alan olmayıb.