5-12 yaş arasında uşaqlar arasında kovid keçirməyən tapmaq çətin məsələdir. 99% uşaqlar artıq virusla rastlaşıb.

Moskvanın Qamalei mərkəzinin direktoru Aleksandr Qinzburq uşaqlara görə kovid peyvəndinin protokolunda dəyişiklik etməyin vacibliyini bildirib.

"Problem var. Biz uşaqlar üçün peyvənd sınaqlarına başlayanda bu yaş qrupunda antiteli olan uşaq az idi. Amma indi yoluxmayan uşaq qalmayıb. İndi antiteli olan uşaqlar populyasiyadadır.

Kovidlə rastlaşmayan uşaq orqanizmi tapmaq mümkün deyil. Moskvada biz belə uşaq tapmadıq. Ona görə klinik tədqiqat protokollarında dəyişiklik etməliyik. Bizə icazə verilməlidir ki, sınaqlarda antitellərin aşağı sərhəddi 0, yuxarısı 100 beynəlxalq vahid götürülsün. Bu da aşağı göstəricidir, amma yenə də işimizə yarayar".

Onun sözlərinə görə uşaqlar üçün Sputnik vaksini üçün maliyyə daxil olub, 20 günə işlər başlamalıdır.

Qeyd edək ki, uşaqların kütləvi şəkildə və bir çox hallarda simptomsuz şəkildə COVID-19-a yoluxması Bakı üçün də aktualdır.