İsveçdə hərbi təlim poliqonunda baş verən partlayış nəticəsində hərbçilər də daxil olmaqla yeddi nəfər yaralanıb.

“Sveriges Radio”nun məlumatına görə, partlayış saat 16:00-dan sonra (Bakı vaxtı ilə saat 18:00) Karlsborq şəhəri yaxınlığındakı hərbi təlim poliqonunda baş verib.

Məlumata görə, yaralanan yeddi nəfərdən beşi reanimasiyadadır. İsveç Silahlı Qüvvələrinin sözçüsü bildirib ki, yaralananların bəziləri hərbçilərdir.

Polis partlayışın səbəbini araşdırır.