İranın cənubunda Fars əyalətində avtobusun qəzaya uğraması nəticəsində azı 21 nəfər həlak olub, təxminən 25 nəfər xəsarət alıb

Bu barədə əyalətin Qızıl Aypara cəmiyyətinin rəhbəri Hüseyn Dərvişi bildirib.

"Qəza yerinə Qırmızı Ayparanın üç xilasetmə komandası göndərilib. Təəssüf ki, hazırda 21 nəfər həlak olduğu və 25 nəfərin xəsarət aldığı məlumdur", - ISNA agentliyi onun sözlərini təqdim edir.

Onun məlumatına görə, Firuzabad və Kəvar şəhərləri arasındakı avtomobil yolunda qəzaya uğrayan avtobus Məşhədə gedirmiş.