İranda İsrailin Xarici Kəşfiyyat İdarəsinə (MOSSAD) casusluqda təqsirli bilinən Bəhmən Şubiəsl sentyabrın 29-da səhər saatlarında edam olunub.

Məlumatı "Mehr" agentliyi yayıb.

Bildirilib ki, o, telekommunikasiya məsələləri üzrə məlumatları İsrailə ötürməkdə təqsirli bilinib. Onu MOSSAD-ın İranda “əsas casusu” da adlandırırdılar.

Qeyd edək ki, ötən gün İranın məhkəmə orqanları Kərəcdə MOSSAD və Xalq Mücahidələri Təşkilatı ("Sazimane-Mücahidin-e Xəlq") ilə əlaqəli olduğu iddia edilən "casus şəbəkəsi"nin işi üzrə təqsirli bilinən iki nəfərin edam cəzasına məhkum edildiyini açıqlayıb.