İlham Əliyev gecələr niyə yaxşı yatdığını açıqlayıb
26 Noyabr 2022
Bakıda “Orta dəhliz boyunca: geosiyasət, təhlükəsizlik və iqtisadiyyat” devizi altında keçirilən beynəlxalq konfrans diqqəti təkcə orada müzakirə olunan mövzuların əhəmiyyəti ilə cəlb etmədi. Azərbaycan Prezidentinin tədbirdə iştirakı bu mövzuların əhatə dairəsini genişləndirməyə imkan verdi. Məsələn, BP-nin dərin dəniz yataqlarının işlənilməsi və neft hasilatının genişləndirilməsi ilə bağlı danışıqlarıyla maraqlanan Şotlandiyadan olan enerji təhlükəsizliyi üzrə ekspert Con Roberts sualının sonunda əlavə etdi: “Mən bəlkə də, həddən artıq tamah göstərərək sizə bir sual da verim: Sizi gecə yatmağa qoymayan nədir?
Prezident Əliyev cavabına belə başladı:
“Mən gecələr yaxşı yatıram. Yuxudan oyanmıram. Bu doğrudan da belədir. Gecələr oyanmaq üçün heç bir səbəbim yoxdur, xüsusən də indi: Azərbaycan iki ildən çoxdur ki, belə bir dinc şəraitdə yaşayır. Artıq işğal yükü olmadan, eskalasiya riski olmadan. Çünki yəqin eşitmişiniz: işğal zamanı Ermənistanın yüksək vəzifəli məmurları bizi yeni ərazilər uğrunda yeni müharibə planlaşdırdıqları ilə hədələyirdilər. Bu, hazırda cənab Paşinyan tərəfindən həbs edilən Ermənistanın keçmiş müdafiə nazirinin sözləridir. Amma bu, Azərbaycan üçün açıq təhlükə idi. “Müharibə başlasa, erməni tankları Bakı küçələrində olacaq” kimi başqa çox təkəbbürlü şərhlər də var idi. Əslində, bu, reallığa çevrilib. Erməni tankları Bakının küçələrində idi, amma hərbi paradda iştirak edirdilər, indi isə Hərbi Qənimətlər Parkındadırlar. Deməli, bu şanlı qələbədən sonra gecədən yuxu üçün istifadə etməməyə heç bir səbəb yoxdur”.
Press Klub
Prezident Əliyev cavabına belə başladı:
“Mən gecələr yaxşı yatıram. Yuxudan oyanmıram. Bu doğrudan da belədir. Gecələr oyanmaq üçün heç bir səbəbim yoxdur, xüsusən də indi: Azərbaycan iki ildən çoxdur ki, belə bir dinc şəraitdə yaşayır. Artıq işğal yükü olmadan, eskalasiya riski olmadan. Çünki yəqin eşitmişiniz: işğal zamanı Ermənistanın yüksək vəzifəli məmurları bizi yeni ərazilər uğrunda yeni müharibə planlaşdırdıqları ilə hədələyirdilər. Bu, hazırda cənab Paşinyan tərəfindən həbs edilən Ermənistanın keçmiş müdafiə nazirinin sözləridir. Amma bu, Azərbaycan üçün açıq təhlükə idi. “Müharibə başlasa, erməni tankları Bakı küçələrində olacaq” kimi başqa çox təkəbbürlü şərhlər də var idi. Əslində, bu, reallığa çevrilib. Erməni tankları Bakının küçələrində idi, amma hərbi paradda iştirak edirdilər, indi isə Hərbi Qənimətlər Parkındadırlar. Deməli, bu şanlı qələbədən sonra gecədən yuxu üçün istifadə etməməyə heç bir səbəb yoxdur”.
Press Klub
Paylaş:
