Millətlər Liqasının Nizamnaməsi əvvəlcə 44 dövlət tərəfindən imzalanmışdı: onlardan 31-i savaşda Antanta tərəfindən iştirak edən, 13-ü isə bitərəf qalmış dövlətlər idi. ABŞ Nizamnaməni ratifikasiya etmədiyindən qurumun üzvü olmadı. 

Nizamnamədə Millətlər Liqasının strukturu, funksiyaları və səlahiyyətləri əks olunurdu. 

Qurumun əsas orqanları Assambleya (bütün üzv dövlətlərin nümayəndələrinin illik toplantısı) və mövcudluğu dövründə 107 dəfə toplanan Şura idi. Sonuncuda daimi üzvlər və Assambleya tərəfindən vaxtaşırı seçilən qeyri-daimi üzvlər təmsil olunurdu. Daimi üzvlər Böyük Britaniya, Fransa, İtaliya və Yaponiya idi. Almaniya və SSRİ də təşkilata qoşulduqda (müvafiq olaraq, 1926-cı il və 1934-cü il) Şuranın daimi üzvü oldular. Assambleya və Şura Cenevrədə toplanırdı. Baş katibin rəhbərlik etdiyi Millətlər Liqası katibliyi də burada işləyirdi. 

Əsas orqanlardan əlavə, daimi və ...