“Son illərdə ölkəmizin müdafiə sənayesi çox sürətlə inkişaf edir. Mövcud istehsal sahələrinin müasir standartlara uyğun təkmilləşdirilməsi ilə yanaşı, yeni istehsal sahələrinin yaradılması üzrə işlər uğurla həyata keçirilir. Düzgün aparılmış islahatlar nəticəsində ölkəmizdə istehsal edilən müdafiə təyinatlı məhsulların çeşidi artırılıb və bu gün Azərbaycanda 1000-dən çox adda hərbi təyinatlı məhsul istehsal edilir. Həm Azərbaycanın Silahlı Qüvvələri müasir silah növləri ilə təchiz edilir, həm də dünya ölkələrinin müdafiə sənayesi şirkətləri istehsal etdiyimiz məhsullarla yaxından maraqlanırlar”, - deyə dövlət başçısı bildirib.

Mindən çox hərbi məhsul növü, əlbəttə ki, çox böyük rəqəmdir. Ortaya suallar çıxır. Birincisi, Azərbaycanın müdafiə sənayesi həqiqətənmi bu qədər silah istehsal edir? İkincisi, Azərbaycan ordusu bu silahlarla təmin olunandan sonra istehsal olunan məhsullar hara yönəldilməlidir? Yəqin ki, ixrac olunacaq. Belə çıxır ki, Azərbaycan dünyanın ən ciddi silah istehsalçıları və satıcılarından birinə çevrilməyi qarşısın...