Pezeşkianın andiçmə mərasiminə 80 ölkənin rəsmisi qatılmışdı. Bu rəsmilər arasında Ermənistanın və Azərbaycanın Baş nazirləri Nikol Paşinyanla Əli Əsədov da vardı. Nikol Paşinyan elə səfər günü Məsud Pezeşkian və İranın ali lideri Əli Xamenei tərəfindən qəbul edildi. Əli Əsədovu isə səfərinin ilk günündə vitse-prezident Məhəmməd Rza Ariflə görüşdü. Yeni prezident Pezeşkian isə Azərbaycanın baş nazirini ancaq ertəsi gün - iyulun 31-də qəbul edib. Görüşdə Azərbaycan ilə İran arasında dostluq və qardaşlıq əlaqələrinin müxtəlif sahələrdə uğurla inkişafından məmnunluq ifadə olunub. 

Maraqlıdır ki, Əli Xamenei Paşinyan ilə görüşdən sonra “X” sosial şəbəkəsindəki hesabında paylaşım edib. Paylaşımda açıq mətnlə qeyd olunub ki, “Tehran Zəngəzur marşrutunun Ermənistanın zərərinə olduğunu düşünür və bu mövqeyində qalmaqdadır”. Paşinyan isə buna cavab olaraq bildirib ki, Ermənistan öz ölkəsinin ərazisində heç bir regiondan kənar marşrutu tanımır. 

Xamenei postu farsca yazmaqla yanaşı, eyni zamanda həm azərbaycanca, həm də türkcə yazması mesajın kimə ünvanlandığını açıq-aydın göstərir. Yəni, Tehran Ankara və Bakıya “mənim iradəmdən kənar heç bir dəhliz ola bilməz” mesajı verir.