ABŞ-ın yeni seçilmiş Prezidenti Donald Trampın Ağ Evdə dörd əsas məsləhətçisinin adı açıqlanıb.

Bu barədə seçilmiş prezidentin keçid komandasının yaydığı bəyanatında deyilir.

Trampın ən uzunmüddətli, etibarlı müttəfiqlərindən biri və onun yenidən seçki kampaniyasında baş məsləhətçi olan Den Skavino prezidentin köməkçisi və Ağ Ev aparat rəhbərinin müavini olacaq.

Stiven Miller isə prezidentin köməkçisi, Ağ Evin Siyasəti və Milli Təhlükəsizlik Məsələləri üzrə Aparat rəhbərinin müavini vəzifələrində çalışacaq.

Öz növbəsində Ceyms Bleyer prezidentin köməkçisi, qanunvericilik və ictimai əlaqələr üzrə administrasiya rəhbərinin müavini vəzifələrində çalışacaq.

Taylor Budoviç isə prezidentin köməkçisi, Ağ Evin kommunikasiyalar və kadrlar üzrə aparat rəhbərinin müavini təyin edilib.

Eyni zamanda, Tramp Ukraynadakı münaqişənin sülh yolu ilə həlli üçün danışıqlar aparmaq məqsədilə xüsusi elçi təyin etmək niyyətindədir.

Mənbələrdən biri çox təcrübəli və hörmətli xüsusi elçi təyin olunacağını, ona sülh sazişinin əldə olunmasını təşviq etməyin tapşırılacağını və təyinatın tezliklə baş tuta biləcəyini bildirib.

Ehtimal olunur ki, 2017-2019-cu illərdə Ukrayna üzrə könüllülük əsasında xüsusi elçi olmuş Kurt Uolker kimi kimi bu vəzifəni icara edəcək şəxs də ödənişsiz əsaslarla çalışacaq.