Bakı Mətbuat Klubunun

Universal Jurnalistika Məktəbi

gənc jurnalistləri təlim kursuna dəvət edir.

“Rəqəmsal erada media və münaqişələr”

kursunun proqramı dünyanın qabaqcıl jurnalistika məktəblərinin tövsiyyələri əsasında hazırlanıb. Proqrama peşəkar jurnalistlərin və təcrübəli mentorların təlimləri, tanınmış ictimai fiqurların və influenserlərin “ustad dərsləri” daxildir. Onlar  gənc  həmkarlarına

müasir nəzəri bilikləri praktik kontent hazırlığında tətbiq etməyi,

münaqişələrin, o cümlədən postmüharibə dövründə Ermənistan-Azərbaycan münasibətlərinin işıqlandırılması zamanı qarşıya çıxan çətin sualların peşə prinsipləri ilə uzlaşan cavablarını tapmağı,

kontentin hazırlanması və emal edilməsi üçün multimedia jurnalistikasının geniş imkanlarından istifadə etməyi, rəqəmsal dövrdə hazır kontenti müxtəlif kanallarla daha böyük auditoriyaya çatdırmağın yollarını,

münaqişə şəraitində faktları dəqiqləşdirməyin, yalanı doğrudan
ayırmağın üsullarını

öyrədəcəklər. Təlimlər ödənişsizdir. Kursu uğurla bitirənlərə sertifikat verilir, onlar yerli və xarici media orqanları ilə əməkdaşlığa cəlb edilir.

Məşğələlər sentyabr ayının 10-dan başlayaraq, bir ay davam edəcək.

Təlimdə iştirak etmək istəyənlər 2023-cü il sentyabr ayının 5-dək şəxsiyyət vəsiqəsinin surətini və tərçümeyi-halını [email protected] elektron poçt ünvanına göndərməlidirlər.