UEFA-nın qərarı ilə Rusiya qitədəki bütün futbol tədbirlərindən kənarlaşdırılıb.

Rusiya klubları 2022-2023-cü il mövsümündə Avropa çempionatlarında iştirak edə bilməyəcək. Qadın futbolçuların isə yayda keçiriləcək kuboklarda iştirakı qadağan edilib.

UEFA-nın qərarında göstərilir ki, Rusiyanın futbol klubları Avropa Kubokunda, Çempionlar Liqasında, Avropa Konfrans Liqasında və Avropa Liqasında çıxış edə bilməz. Qadın futbolçulardan ibarət milli komandanın isə iyulda Böyük Britaniyada keçiriləcək yarışlarda iştirakına qadağa qoyulub.

Rusiyanın milli futbol yığması Millətlər Liqasının 2022/23 mövsümündə iştirak etməyəcək. Rusiya komandası B qrupunda İslandiya, İsrail və Albaniya komandaları ilə ikinci güclü divizionda çıxış etməli idi. Lakin komanda avtomatik olaraq dördlükdə sonuncu yeri tutacaq və Millətlər Liqasının növbəti mövsümündə üçüncü divizionundan çıxarılacaq.

Bundan başqa, Rusiya 2028-2032-ci illərdə Avropa çempionatına ev sahibliyi üçün namizəd ölkələr siyahısından çıxarılıb. Rusiya komandasının noyabrda Qətərdə keçiriləcək dünya çempionatında iştirakı da qadağan edilib.