Ukraynanın müdafiə naziri Oleksiy Reznikov ölkənin Silahlı Qüvvələrinin iyunun əvvəlində başladığı əks-hücum əməliyyatını “bir növ hazırlıq” adlandırıb.

Nazir bu barədə Amerikanın “Fox News” telekanalına müsahibəsində bildirib.

O, etiraf edib ki, Rusiya hərbçiləri yaxşı müdafiə xətləri qurublar və əks-hücumun nəticəsi ilə bağlı gözləntilər həddən artıq çox olub.

Eyni zamanda, nazir əmin olduğunu bildirib ki, əks-hücum tam başlanan kimi uğurlu olacaq və Ukrayna “qələbəyə daha bir addım yaxınlaşacaq”.

Bundan başqa, Reznikov əlavə edib ki, döyüşlər zamanı “müxtəlif şərait və müxtəlif maneələr” var və Ukrayna öz cəsur və qətiyyətli döyüşçülərini təhlükəyə atarkən çox diqqətli olur: “Biz onların həyatını xilas etməyə çalışırıq”.