Binənin Balıqlı göl ərazisində yerləşən "Azersun" istirahət mərkəzində II Radiomodelizm təlim-festivalı baş tutub.

“Yeni Texnologiyaların İnkişafına Dəstək” İctimai birliyinin, İnteraktiv Elm Muzeyinin təşkilatçılığı və “Robotzadə” şirkətinin dəstəyi ilə keçirilmiş təlim-festivalda müxtəlif texniki idman növlərini təmsil edən yerli modelistlər iştirak ediblər. Onlar 30-dan artıq təyyarə və helikopter modeli nümayiş etdiriblər.

Təyyarə, helikopter, gəmi, avtomobil modellərinin yarışın qaydalarına uyğun olaraq necə operativ hazırlandığını və tətbiq olunduğunu görmək, müxtəlif modelləri izləyə bilmək fürsəti yaradan bu festival iştirakçılara modellərlə birbaşa təmas qurmaq şəraiti yaradır.

Ölkəmizdə radiomodelizmin inkişafı üçün bu cür festivalların keçrilməsi kütləvi hall almalıdır. Bunun üçün aidiyyati dövlət qurumlarının bu sahəyə diqqətinin vacibliyi zəruridir.