"Vaqner" özəl hərbi kampaniyasının yaradıcısı Yevgeni Priqojin bildirib ki, Baxmutda “ağır döyüşlər gedir, lakin ukraynalılar heç yerə qaçmırlar”.

Pressklub.az xəbər verir ki, Priqojinin şərhini onun mətbuat xidməti Telegram kanalında dərc edib.

“Baxmut barədə: gecə-gündüz ən ağır döyüşlər gedir, lakin ukraynalılar heç yerə qaçmırlar. Zelenskinin qüvvəsi bitmir, minlərlə insanı “ətçəkən maşına” atırlar. Onların döyüş sursatı və silahları var", - deyə o, bildirib.

Priqojin eyni zamanda ukraynalıların qorxaq olmadığını da vurğulayıb:

“Bir daha diqqətinizə çatdırıam! Ukraynalılar qaçmırlar. Onlar Baxmut üçün kütləvi şəkildə ölürlər və yalnız çarə qalmayanda təslim olurlar. Onları qorxaq adlandırmağı dayandırın”.