Polşa prezidenti Anjey Duda Varşavanın Ukraynaya döyüş təyyarələri verməyə hazır olduğunu bildirib.

Pressklub.az xəbər verir ki, dövlət başçısı CNN telekanalına müsahibəsində Ukraynaya təyyarə vermək üzrə beynəlxalq koalisiya çərçivəsində belə bir addım ata biləcəklərini deyib.

“Polşada qalan, işlək vəziyyətdə olan və Hərbi Hava Qüvvələrimizin xidmətində olan MiQ-29 təyyarələrini təhvil verməyə hazırıq. Əminəm ki, Ukrayna onlardan istifadə edə biləcək, çünki hazırda Ukraynada bu təyyarələri idarə edə bilən pilotlar var” - deyə, o bildirib.

Duda əmindir ki, gələcəkdə Ukrayna “F-16”lar tədarük ediləcək:

“İnanıram ki, Ukrayna Silahlı Qüvvələri gələcəkdə “F-16”lardan istifadə edəcək. Hazırda pilot hazırlığı ona görə vacibdir”.

Fevralın 17-də Polşanın baş naziri Mateuş Moravetski Varşavanın Ukraynaya MiQ-29 qırıcıları tədarük etməyə hazır olduğunu açıqlayıb.