Argentina millisinin və PSJ-nin ulduz futbolçusu Lionel Messi Avropanı tərk etmək fikrində deyil.

Pressklub.az xəbər verir ki, 35 yaşlı hücumçu gələn mövsüm Çempionlar Liqasında mübarizə aparacaq klubda oynamaq istəyir. Bu barədə “Diario Ole” nəşrinin jurnalisti Adrien Qrenye məlumat yayıb.

Onun sözlərinə görə, Messi 2024-cü ildə keçiriləcək Amerika Kubokuna hazır olmaq üçün gələn mövsüm mütləq Çempionlar Liqasında çıxış etmək fikrindədir. Qeyd edək ki, Messi PSJ-dəki gələcəyi ilə bağlı tərəddüd etsə də, hazırda Fransa klubu ilə yeni müqavilə ilə bağlı danışıqlar aparır.