Argentina millisinin kapitanı Lionel Messi növbəti tarixi rekorda imza atıb.

39 yaşlı hücumçu DÇ-2026-nın J qrupunda Avstriya ilə matçda 2 dəfə fərqlənərək dünya çempionatlarındakı qollarının sayını 18-ə çatdırıb.

Bununla da Messi Almaniya millisinin sabiq hücumçusu Miroslav Klozeni geridə qoyaraq dünya çempionatları tarixinin ən məhsuldar futbolçusuna çevrilib. Klozenin hesabında 16 qol var idi.

Qeyd edək ki, Messi mundiallarda ilk qolunu 2006-cı ildə Serbiya və Monteneqroya qarşı oyunda vurub. Argentinalı ulduz 2006, 2010, 2014, 2018, 2022 və 2026-cı illər dünya çempionatlarında meydana çıxıb.