“Numbeo” təhlil mərkəzi dünya ölkələrinin orta maaş reytinqini tərtib edib. Hesabata görə, vergilər çıxılandan sonra ən yüksək orta maaş İsveçrədə qeydə alınıb: 5,6 min avro.

Lüksemburqda orta maaş 4,4 min, Sinqapurda 4,3 min, ABŞ-da 3,9 min, İslandiyada 3,7 min avro göstərilir.

Estoniyada orta maaş 1,3 min avro, Litvada 1093,7 avro, Latviyada 950,2 avro, Rusiyada 588,8 avro, Ermənistanda 573 avro, Belarusda 493 avro, Qazaxıstanda 467,1 avro, Türkiyədə 440,2 avro, Moldovada 434,6 avro, Ukraynada 377,7 avro, Özbəkistanda 292,6 avro, İranda 285 avro həddində rəsmiləşib.

Azərbaycan 341,3 avro orta maaşla 102 ölkə arasında 87-ci sırada qərar tutur.

Rəsmi statistikaya əsasən, 2023-cü il aprelin 1-nə Azərbaycanın muzdlu işçilərinin orta aylıq nominal əməkhaqqı 901,3 manata çatıb.