Ötən gün axşam saatlarında yağan güclü leysan yağışları nəticəsində Göygöl rayonunun Aşağı Zurnabad, Şəhriyar, Kərəmli və Topalhəsənli kəndlərindən sel keçib.

Göygöl Rayon İcra Hakimiyyətinin rayon Fövqəladə Hallar Komissiyasından bildirilib ki, sel həmin kəndlərə ciddi zərər vurub. Sel nəticəsində əsasən avtomobil yoluna, qaz xətlərinə, elektrik və rabitə təsərrüfatına həmçininin vətəndaşlara məxsus əkin və həyətyanı sahələrə zərər dəyib.



Təbii fəlakət nəticəsində 1954-cü il təvəllüdlü Muxtar Hüseynov və 2001-ci il təvəllüdlü İbrahim Qurbanov sel axınına düşərək vəfat ediblər.

Polis əməkdaşları hadisə yerinə gələrək hər iki şəxsin meyitini çıxaraq müvafiq ekspertizaya təqdim ediblər.

Polis əməkdaşlarının köməkliyi ilə daha üç nəfər - V. Həziyev, T. Məmmədova və V. Həziyeva çay axınından xilas ediliblər.

[video width="1080" height="1920" mp4="https://pressklub.az/wp-content/uploads/2023/05/goranboy.mp4"][/video]