Azərbaycan prezidenti yanında Əfv Komissiyası müraciətlərə baxılmasını yekunlaşdırıb, bu barədə qurumun üzvü, "Konstitusiya" Araşdırmalar Fondunun rəhbəri Əliməmməd Nuriyev bildirib.

Onun sözlərinə görə, iclasda 100-dən çox ərizəyə baxılıb. 

Ümumilikdə isə son bir ayda komissiya 700 ərizəyə baxıb.

Komissiya işini yekunlaşdıraraq, nəticələrini Azərbaycan prezidentinə təqdim edəcək. 

Qeyd edək ki, komissiyanın hazırkı iclasları mayın 28-də qeyd olunan Müstəqillik Günü ilə əlaqədar prezidentin gözlənilən əfv sərəncamı ilə bağlı müraciətlərə baxılması məqsədilə keçirilib.