Hər il olduğu kimi, bu il də tələbələr arasında “Azərkosmos”un təşəbbüsü ilə “CanSat Azərbaycan” yarışı keçrildi. Yarış 4 iyul 2023 cü il tarixdə Daxili Qoşunların Hacıqabul şəhərində yerləşən N saylı hərbi hissəsinin açıq poliqonunda təşkil olundu.  “Azərkosmos”un təşkilatçılığı ilə “CanSat Azərbaycan 2023” tələbə model peyk müsabiqəsində müsiflər heyətində iştirak etmək üçün “Yeni Texnologiyaların İnkişafına Dəstək” ictimai birliyinin əməkdaşları Pərviz Ağayev və “Yeni Texnologiyaların İnkişafına Dəstək” İctimai birliyinin sədri Ceyhun Xəlilov dəvət edilmişdilər.

Final iştirakçılarının və qaliblərin seçilməsində beynəlxalq FAI-nin qaydalarına uyğun tələblər normativ kimi əsəs götürülmüşdür.

Bu cür yarışların təşkili, peyk modelçiliyi idmanının ölkəmizdə kütləviləşməsinə və inkişafına kömək etmək, innovativ gənclərin hərtərəfli və ahəngdar inkişafında və sağlam həyat tərzinin formalaşmasında bu texniki idman növünün rolunu artırmaqdan ibarətdir. 

Ceyhun Xəlilov qeyd etmişdir ki, yüksək texnologiyalara əsaslanan peyk modelçiliyi texniki idman növü kimi açıq havada intellektual aktivliyi və fiziki fəaliyyəti özündə birləşdirir. Bu sahədə yarışlar beynəlxalq təcrübəyə və nizamnaməyə əsaslanaraq fərdi və komanda halında olmaqla, uçuşun hündürlüyü və müddəti, eniş dəqiqliyi üzrə keçirilir. Hazır modellərin aidiyyati yarış səviyyəsi üzrə peykin detallılıq dərəcəsi və uçuşun reallığı qiymətləndirilir.