Böyük Britaniyanın Azərbaycandakı səfiri Ferqus Old (Fergus Auld) "Ana harayı" abidəsini ziyarət edib.

O, bu barədə “X” sosial şəbəkəsindəki hesabında yazıb.

“Bu gün Xocalı faciəsinin qurbanlarını bütün azərbaycanlılarla birgə yad edirəm. Allah rəhmət eləsin!”, - diplomat bildirib.

 

Bu gün Xocalı faciəsinin qurbanlarını bütün azərbaycanlılarla birgə yad edirəm.

Allah rəhmət eləsin! pic.twitter.com/MRskibXZ6Q

— FergusAuldFCDO (@FergusAuldFCDO) February 26, 2024

ABŞ-nin Azərbaycandakı səfiri Mark Libbi Xocalı faciəsinin 32-ci ildönümü ilə bağlı Azərbaycan xalqına başsağlığı verib.

Bu barədə səfirliyin “X” sosial şəbəkəsindəki hesabında bildirilib.

“Bu gün Azərbaycan xalqının kədərini paylaşaraq 1992-ci ildə Xocalıda qətlə yetirilən yüzlərlə insanın xatirəsini yad edirik. Mən ABŞ-nin adından Xocalıda həlak olanların ailələrinə dərin hüznlə başsağlığı verirəm və Xocalıdan olan məcburi köçkünlərin kədərini bölüşürəm. Regionda sülh naminə çalışmaq və bu kimi faciələrin bir daha təkrarlanmamasını təmin etmək borcumuzdur”, - o qeyd edib.

 

“Bu gün biz azərbaycan xalqının kədərini paylaşaraq, 1992-ci ildə Xocalıda qətlə yetirilən yüzlərlə insanın xatirəsini yad edirik. Mən ABŞ-ın adından Xocalıda həlak olanların ailələrinə dərin hüznlə başsağlığı verirəm və Xocalıdan olan məcburi köçkünlərin kədərini bölüşürəm.… pic.twitter.com/GPaDKaY20X

— U.S. Embassy Baku (@USEmbassyBaku) February 26, 2024