“Qərb ölkələri Rusiyaya hücum etmir və ona təhlükə törətmir. Vaşinqton Rusiya prezidenti Vladimir Putinin dedikləri ilə razılaşmır”.

Pressklub.az-n məlumatına görə, bu sözləri ABŞ prezidenti Co Baydenin milli təhlükəsizlik üzrə müşaviri Ceyk Sallivan deyib.

“Heç kim Rusiyaya hücum etmir. Ukraynanın və ya başqasının Rusiyaya hərbi təhlükə törətdiyini düşünmək absurddur”.

Sallivan həmçinin Baydenin Varşavada qarşıdakı çıxışının Putinin Federasiya Şurasına müraciətindəki fikirlərə cavab kimi nəzərdə tutulmadığını deyib və əlavə edib ki, “bu, natiqlik müsabiqəsi deyil”.

Qeyd edək ki, Putin bu günlərdə bildirib ki, Qərb ölkələri Ukraynadakı münaqişəni qlobal statusa keçirmək istəyirlər. Dövlət başçısı xəbərdarlıq edib ki, Moskva bu cür hərəkətlərə reaksiya verəcək.