Mayın 1-də Kolumbiyada qəzaya uğramış “Cessna 206” təyyarəsində olan 4 uşaq sağ tapılıb.

Pressklub.az xəbər verir ki, bu barədə Kolumbiya Prezidenti Qustavo Petro tviter hesabında yazıb.

"Bütün ölkə üçün sevinc! 40 gün əvvəl Kolumbiya cəngəlliyində itən 4 uşaq sağ tapıldı", - Petro tviterdə yazıb.

Bundan əvvəl yerli "Tiempo" qəzeti uşaqların sağ tapıldığını bildirib. Onlar susuz qalıblar və həşərat dişləmələrindən əziyyət çəkiblər. Azyaşlılar helikopterlə hərbi hospitala aparılıb və onlara tibbi yardım göstərilib.

Onların ən böyüyünün 13 yaşı var.

Solano bələdiyyəsindən San-Xose-del-Quavyare şəhərinə uçan təyyarə qəzaya mayın 1-də uğrayıb. Pilot mühərrikin nasazlığı barədə bildirib və qəza siqnalı verib. Xilasetmə əməliyyatında ümumilikdə 120 xüsusi təyinatlı əsgər və 73 mülki şəxs iştirak edib. Təyyarə yalnız 370 saat axtarışdan sonra tapılıb. Hərbçilər həmçinin meşənin kolluqlarında üç yaşlı adamın meyitini də tapıblar. Amma təyyarədə olan uşaqlar kabinədə və ya yaxınlıqda olmayıblar.