Moskva və Vaşinqton arasında Strateji Hücum Silahlarının Azaldılması və Məhdudlaşdırılması üzrə Tədbirlər Müqaviləsinə (START) dair danışıqlar aparılması mümkündür.

Pressklub.az xəbər verir ki, bu barədə ABŞ dövlət katibinin müavini Viktoriya Nuland TASS agentliyinə müsahibəsində bildirib.

O, ABŞ-ın ittihamsız və ilkin şərtsiz dialoqa hazır olub-olmaması ilə bağlı sualı cavablandırıb və bildirib ki, Rusiyanın da oxşar istəyi varsa, bu, mümkündür.

“Rusiya Federasiyası buna hazırdırsa, biz sabah bunu etməyə hazırıq. Biz də müvafiq yoxlamalara icazə verməyə hazırıq”, - Nuland bildirib.