Rusiya ordusunun xidməti iti Ukrayna Milli Qvardiyasının sıralarına daxil edilib.

Bu barədə Ukrayna Strateji Kommunikasiyalar və İnformasiya Təhlükəsizliyi Mərkəzi məlumat yayıb.

Maks adlı it Ukrayna tərəfə Nikolayev vilayətinin kəndləri azad edilərkən “keçib”.

Maks əvvəlcə yerli sakinlərə “sığınıb”. Sonra kənd sakinləri onu Milli Qvardiyaya təhvil verilib.

Bu müddət ərzində Maks artıq Ukrayna dilini öyrənib. Bütün komandalara adekvat reaksiya verir.

İt üzərində "ZAŞİTNİK" (qoruyucu) sözləri yazılmış kamuflyaj örtük olub. Sözügedən şirkət Rusiyada xüsusi it bölmələri üçün istifadə olunan K9 yaxaları istehsal edir.

Maksın təhkim edildiyi “Riddik” kod adlı kinoloqun sözlərinə görə, o, Belçika çoban itidir:

“Təxminən üç yaşındadır və əla fiziki vəziyyətdədir. Maks bütün əsas əmrləri başa düşür. Ukrayna dilində bütün əmrləri öyrənmək üçün itə bir ay lazım olub”.